si Bayo Tobang (na Malosok Sikola)

24 Mar

Margulung-gulung ma le baya si bayo tobang
i sopo ijuk, i tonga saba jae an
gale-gale ma lepe-lepe
songon pargolap ni ari na rimbus on: pabile-bileon

Ro ma i ida ia sada-sada i roa i
rupo muko na santak jaji
pangolu gara ni lungun tu jae tu julu
tu si anu, si anu, si anu…

Abis ma da Sitogol, tomat muse ma Sibulus-Bulus Sirumbuk-Rumbuk i da
onang-onang doma na onang-onang da
dulang panggore ni sere hangoluan na matombuk naso tarpature
tajak saba na majal paninggalan ni Namora Natoras naso tartajakkon be

Ngada be da be Amang i
Na tarjadi madung solpu ma i tarjadi
Inda si sosalan be parange na malosok tu sikola
Inda si solan be parange na malosok marsikola

Medan Deli, 23 Maret 2009
Ikhwan Muslim Nasution

Tag:, , , , , ,

4 Tanggapan to “si Bayo Tobang (na Malosok Sikola)”

  1. Anwar Ashari Mei 5, 2009 pada 10:51 am #

    Senang membaca tulisan berjudul sibayo tobang, ya.
    oleh penulis buku

    40 Hari Di Tanah Suci.

    Balas
    • risalahperjalanan Mei 12, 2009 pada 12:35 am #

      terimakasih, Pak.
      Bapak ini orang Mandailing?

      Balas
  2. Elita Sari Lubis Agustus 7, 2009 pada 7:24 am #

    oi baya jadi malungun iba tu itaan… Sugari adong ma nian isi ni Sibulus-bulus Sirumbuk-rumbuk ipamasuk di situs ni Udak on…

    Balas
    • risalahperjalanan Agustus 19, 2009 pada 3:08 am #

      Alak jia langa Kakak i?
      Ami sian Kotanopan.
      Imada, pala adong do Sibulus-Bulus Sirumbuk-Rumbuk i, pade mada ipamasuk tu son.
      Tai madung na lolot an inda unjung be uida.
      pala adong dope ji amu, pade mada sugari ibagi amu ji ami.

      Balas

Tinggalkan komentar